Ngā Kaimahi
Ānei ngā kaimahi o Te Reo Tupu, titiro mai. Meet the team behind Te Reo Tupu.
Joseph Kapea - Pouako
He Ngāti Whātua ahau, anō hoki he Ngāpuhi. He pānga hoki ōku ki Whaingaroa engari kāhore au e mōhio ana i tērā whakapapa. Ko Jamie Watene tōku wahine. He Uri o Hau ia, anō hoki he Ngāti Manuhiri. Tokotoru ā māua rangatahi. Koinei taku mahi tuatahi. He kaiako ahau ki Te Kura Kaupapa Māori o Ngaringaomatariki. Kua mahi au ki kō mō te whitu tau. I tēnei wā tonu e whai ana ahau i taku tohu paerua ki Waipapa Taumata Rau. Kua tū hoki ahau hei kaiako ki ngā pakeke o Te Uri o Hau, o taku hapori ki Whakapirau, ki Wellsford. Tata iwa tau tēna mahi. He kaiako ngāwari ahau, he kaiako rawerawe ahau, he kaiako whakaputa mōhio ahau.
I am from Ngāti Whātua and Ngāpuhi. I have a connection to Whaingaroa but I do not know it. Jamie Watene is my partner. She is Te Uri o Hau and Ngāti Manuhiri. We have three teenagers. I am a pāpā first. I am a kaiako at TKKM o Ngaringaomatariki. I have been there for seven years. This year I am also doing my Masters at the University of Auckland. I am also a kaiako to adults of Te Uri o Hau and my community of Wellsford. I am a easy kaiako, who can have fun and a know-it-all. Ko Joseph Kapea tōku ingoa, ko JK te karanga!
Tayla Faddy - Pouako
E pari atu nei ngā tai ō mihi ki a koutou katoa. Ki te taha ō tōku tupuna matua, ko Ngāti Whātua te iwi, ko Te Uri ō Hau te hapū. Ki te taha ō tōku tupuna whaea, ko Te Rarawa te iwi, ko Ngāti Manawa te hapū. He mea whakatupu ahau e ōku tūpuna, ko Tayla tōku ingoa. E roa nei au e ngākau nui ana ki te reo, me te whakarauoratanga āna. Kua puta taku ihu i te Pīnakitanga ki te Reo Kairangi, ka mutu he ika ā whiro au nō te Matakahi. E whai nei au i taku tohu paetahi i ngā mahi kaiako ki Waipapa Taumata Rau. E hīkaka ana au ki te haere ngātahi me koutou i tēnei ara o te whakatupu i te reo. He oranga tangata, he oranga iwi. Tēnā koutou!
My grandfather is from Ngāti Whātua - Te Uri ō Hau, and my grandmother is from Te Rarawa - Ngāti Manawa. My name is Tayla, a proud descendant of those who came before me. As a graduate of Te Pīnakitanga ki te Reo Kairangi and Te Matakahi, I have a passion for Te Reo Māori and its revitalization. I am currently studying toward a Bachelor of Education at the University of Auckland. I am excited to accompany you on this journey of growth for our language, our well being and future aspirations. Tīhei Mauri Ora!
Wiremu Sarich - Pouako
Ko Wiremu Sarich tenei, he uri na Te Riu o Hokianga. He pouako taonga taakaro ahau, he kaipoipoi rangatahi noki. Koia nei aku mahi tuturu i roto i nga 10 tau kua taha ake ra, huri noa i te motu huri noa i te ao. He nunui te mana whakaako to nga taonga taakaro hei whakaputa reehia, kia harikoa ai, kia tuu mataraharaha ai te hunga e kai ana i ona hua. Hei taaku horekau he patu ko atu i a ia hei whakaako tangata, hakoa te kaupapa hakoa nga ahuaranga ako, he puna e kore mimiti tenei mea te taakaro. Ko taku mahi i roto i te kaupapa nei ko Te Reo Tupu he whakawaha i nga tini kupu, i nga tini korero I nga tini wananga na roto i nga taakaro kia whakaputa reo. “Kia kawea tatou i te reehia i te harikoa i te mataraharaha.”
I am a Youth Educator who has spent the past 10 years extensively teaching traditional games throughout Aotearoa and abroad. Traditional games have an amazing ability to make teaching/learning stress free. In my humble opinion there is no greater tool for sharing knowledge regardless of the subject or complexity. There are endless possibilities for developing learning tools. My role within Te Reo Tupu is simply to be a mouthpiece for the myriad of teachings Nga Taonga Taakaro have to offer, and to draw out conversation from our participants. “Let us be carried away in the pursuit of joy and entertainment, with open and joyous hearts.”
Eamon Nathan - Kaiwhakahaere
Kia ora, ko Eamon Nathan tōku ingoa! E ngākau nui ana au ki taku tangata whenuatanga, hoi anō tāku he hāpai i ngā kaupapa ā te iwi mā te auahatanga mā te whakamātau hoki. He uri ahau nō Te Roroa, nō Ngāti Torehina ki Kaihu, nō Ngāti Ārera. Ka whai pānga anō hoki au ki te moutere o Crete, ki a Kotimana, ki a Airani. Me huri kē tātou ki te āta noho ki tēnei Ao Hurihuri, waiho mā te mana o te taiao me āna tohu tini, āna tohu maha tātou e ārahi, ko reira ko te orangatonutanga ā te iwi. E noho ana māo ko taku hoa rangatira ki Whangārei, tokowhā ā māo tamariki. Ko te painga atu ki au ko te pūoru, ko ngā mahi auaha, ko te tupu kai, ko te korikori (auē! pakeke haere ana te tīnana), ā, kia kauwhatatia e ngā kōrero tuku iho hei whakaihiihi, hei ara oranga mōku.
Weaving a passion for indigeneity, I prefer to play a ‘behind the scenes’ role in community growth through creative and experimental means. I am of Te Roroa, Ngāti Torehina, Ngāti Ārera, Crete, Scottish and Irish whakapapa, I’m passionate about leadership that shifts from assuming the sovereignty of humans to acknowledging the mana of nature to guide us through our time in this world. I live in Whangārei with my partner and our four tamariki. If I had more time I would play more music, try my hand at other creative practices, grow more kai, be more active (getting old and stiff quickly) and dedicate more time to understanding and living our inspiring and rich kōrero tuku iho.
Ngāriki Ngatae - Kaiwhakahaere
Kia ora, kia orana kōtou katoatoa. He Māori ahau nō Moananui-a-Kiwa. Ko Tumutevarovaro, ko Araura Enua, ko Nukuroa, ko A’ua’u Enua ngā motu. Ko Ngāti Uri, ko Ngāti Ārera, ko Ngāti Rupe, ko Ngāti 'Akatauira ngā iwi. Kei Te Taitokerau ahau mātou ko taku tāne ko ā māua tamariki hoki e noha ana. He kaitito ahau i te ao kiriata me te ao tuhituhi. I te tau 2012, ka noho au i runga i te waka hourua Marumaru Atua puta noa i te Moananui-a-Kiwa, e ono marama te roa. He mea ārahi nōku e ngā āhuaranga taketake o te ao mārama, he ritenga, he tikanga me te wairuatanga. E ngākaunui ana ahau ki whakaora i ngā tini tātai ā te iwi Māori o te Moananui-a-Kiwa puta noa; ki te kohi i ō tātou hītori, pūrākau, tuakiri katoa mai i ō tātou ipukarea. E kore tātou e ngaro, he kākano tātou i ruia mai i ra’iātea.
Kia ora, kia orana koutou katoatoa. I am of Māori descent from nations within Moananui-a Kiwa on the islands of Rarotonga, Aitutaki, Mitiaro and Mangaia. Ngāti Uri, Ngāti Ārera, Ngāti Rupe and Ngāti 'Akatauira are my tribes. I live in Te Taitokerau, Aotearoa with my partner and my four tamariki, and I am a storyteller in the realms of film and the written word. I voyaged at sea for six months on the waka hourua Marumaru Atua and in all my work I am guided by the narratives, ceremonies, healing, rituals and connections to spirit that come from my indigenous roots. I am passionate about seeing Māori from across Moananui-a-kiwa reconnect and reclaim our rich collective history and identity as Māori, we are stronger together and all have much we can learn from each other.
